INTERPRETASIE
HENGELREGULASIES Regulasie 5 en 7: PERMITTE Elke persoon wat vir ontspanningsdoeleindes wil hengel,
moet oor 'n permit beskik, wat by die kantoor van
Seevisserye, Hanganeni Fishing Centre, telefoon
+264-64-500320 op Hentiesbaai uitgeneem kan word. Kantoorure: Maandag tot Vrydag: 08:00 - 15:00
Saterdag, Sondag en openbare vakansiedae
08:00 - 13:00. 'n Permit vir een maand kos N$14.00, maar kan ook vir 'n
periode van 'n jaar uitgeneem word teen die bedrag van
N$168.00.
Regulasie
6: METODES WAAROP GE-OES MAG WORD
Slegs ‘n
hoek en lyn (een visstok per persoon met ‘n maksimum van
twee hoeke), ‘n ringnet en duik is toelaatbaar vir die
oes van vis, kreef ens. Regulasie 8: DAAGLIKSE KWOTA Hierdie regulasie bepaal die daaglikse kwota per
hengelaar wat mag bestaan uit die volgende hoeveelheid
vis: Barbers: 30
Snoek: 20
Haai: 1
Kabeljou,
steenbras, kolstert en galjoen: 10 gesamentlik
Die volgende groottes word vir kabeljou, steenbras,
kolstert en galjoen neergelê: Kolstert: Minimum grootte van 25 cm;
Galjoen:
Minimum grootte van 30 cm;
Kabeljou: Minimum
grootte van 40 cm, maar nie meer as 2 visse langer
as 70 cm nie (kop en stert ingeluit);
Steenbras:
Minimum grootte van 40 cm, maar nie meer as 2 visse
langer as 65 cm nie (kop en stert ingesluit).
KREEF: Die seisoen strek van 1 November tot 30 April en die
minimum grootte is 65mm karapaks (rugdop).
'n
Persoon met 'n permit mag 'n maksimum van 7 krewe per
dag vang en niks meer as 7 krewe per persoon mag op
enige stadium vervoer word nie. Krewe moet in 'n heel
toestand wees.
Geen kreef mag tussen sononder en
sonop gevang word nie. Items wat sonder 'n permit geoes mag word
a. 1 kg seegras anders as bruin seewier;
b. 50
swart mossels;
c. 2,5 kg droë of 10 kg nat bruin
seewier;
d. 15 klipmossels
e. 5 skulpdiere
anders as swart mossel, klipmossel, alikreukel of
wit mossel;
f. 25 alikreukels;
g. 10 kg
seeskulpe; en
h. 25 wit mossels wat NIE deur 'n
ring met 'n binnesirkel van 38 mm kan gaan wanneer
in 'n heel toestand. Regulasie 9 -
verbode spesies a. Wurms is verbode.
b. Rooi-aas mag nie van
die klippe losgesny word nie - slegs rooi-aas
wat uitgespoel het, mag versamel word.
Regulasie 11: VERVOER VAN VIS Elke hengelaar per voertuig wat oor 'n permit beskik mag
drie maal sy daaglikse kwota vis huis toe vervoer, maar
nie meer as 10 van elk van die volgende spesies nie:
Kabeljou, steenbras. kolstert en galjoen. Al vier
hierdie spesies moet in 'n heel toestand wees en steeds
kop en stert aanhê ten einde die groottes te kan bepaal. Dit kom daarop neer dat elke hengelaar in 'n voertuig wat
oor 'n permit beskik die volgende hoeveelheid vis in sy
besit mag hê, ongeag hoeveel persone per voertuig: Barber: 90
Snoek: 60
Haai: 3
Kreef: 7, almal
in 'n heel toestand.
Kabeljou, steenbras,
kolstert en galjoen: 30 gesamentlik, maar nie meer
as 10 van een spesie nie en alles in 'n heel
toestand.
Van die toegelate 10 kabeljou mag 6 langer wees as 70 cm
en van die toegelate 10 steenbras, mag 6 langer wees as
65cm, kop en stert ingesluit.
'n Groot voordeel
wat die nuwe bepalings inhou, is die feit dat die
hoeveelheid vis nie meer per voertuig beperk word nie,
maar dat elke persoon op 'n voertuig sy eie kwota mag hê,
mits hy oor 'n permit beskik. Hengelaars moet seker maak
dat hulle te alle tye hulle permitte by hulle het en
hulleself kan identifiseer. | 
